Aid-Yaxşı Qız (Qravitasiya albomunun 6-cı tracki)

Facebook səhifəmizi bəyənərək yeni yazılardan xəbərdar ola bilər və istədiyiniz trackin sözlərini yazmağım üçün sifariş verə bilərsiniz. Facebook səhifəm:https://www.facebook.com/tracksozleri
Xahiş olunur köçürüb başqa yerdə paylaşmayın. Bu sözlər başqa heç yerdə(hələki)yoxdur. Özüm yazmışam sözlərini.
Trackin yuklenme linki:http://www.cdbaby.com/cd/orxanzeynalli5

Verse 1:

Oyanır hamıdan tez, baxır pəncərədən

Günəş rəngli saçlar, yaşıl göz, incə bədən

Birazdan oyanacaq həyatdə ən vacib insanlar

Soruşacaqlar ki, hara baxırsan pəncərədən

Səhər yeməyi hazır, qaynar çay əlini yandırsada

Səsini çıxara bilməz, çünki o fədakardı

Evin bütün yükünü kişilərin yerinə qaldırsada

Komplimentə, şirin sözə qulağı kardır

Telefon əlindən alınıb, artıq iki ildən çoxdu

Sinif yoldaşına zəng etməkdə günahkardı

Münasibət qurmaqdan söhbət belə gedə bilməz

Ailəyə ləkə yaxılsa o tək səbəbkardır

Darıxmır ötən illər üçün çünki elə həmişə beləydi

Düşünür qəribədi bu taleh hər şey kələydi

Kaş ki, gülüşə döndərdi axıtdığı hər göz yaşı

Halbuki sevgiyə layiqdir yaraşıqlı gözü, qaşı

Verse 2:

Xeyir və şər məclislərinə bər-bəzəkli

O uşaqlıqdan bilir artıq nə düz nə əyri

Təhsil ikinci plandadır əsas ev işləridir

Gələcək həyat yoldaşına indidən öyrəşməlidir

Küçəyə tək başına çıxmaq olmaz, nə işin var çöldə

Tanımadığın insanlara qarşı olsun sərt çöhrə

Dinləmək olar ancaq muğam birdə xalq mahnıların

Valideyn tərəfindən təyin olur arzuların

Bugün-sabah nişan dəyişəcək ancaq ünvan 

Dəyişəcək divarlar amma həyat hələ zindan

Olmazmı ki,bu otaqdan onun da nazı qalsın

Əsas o deyil əsas evin kişisi razı qalsın

Əsas qohumlar desin ki,o yaxşı qızdır

Əsas bu cəmiyyət desin ki,o yaxşı qızdır

Axı o insan deyil sadəcə kiminsə namusu

Ölüb oğlan doğulmaqdır tək arzusu